Санамжтай логик хэлхээ нь оролт ба өмнөх төлвөөс хамаарч дараах төлөв ямар байхыг харуулдаг төлвийн хүснэгт эсвэл төлөв хоорондох шилжилтийг харуулдаг төлвийн диаграм 2-ын аль нэгээр өгөгдсөн байдаг.
Moore хэлбэрийн системийн төлвийн хүснэгт ба төлвийн диаграмыг авч үзье.
Moore хэлбэрийн систем гаралт нь санах ойн гаралт буюу өмнөх төлөв ямар байхаас л хамаардаг. Тиймээс Moore хэлбэрийн системийн төлвийн хүснэгт нь дараах хэлбэртэй байна.
Энд энэ систем нь A, B, C, D гэсэн 4 төлөвтэй байх бөгөөд A төлөв байх үед нь оролт 0 байвал А төлөвтөө, оролт 1 бол В төлөв рүү шилжинэ. А төлөвт байх үед гаралт нь 0 байна.
Өмнөх төлөв | Дараах төлөв | Гаралт | |
оролт = 0 | оролт = 1 | ||
A | A | B | 0 |
B | A | C | 0 |
C | A | D | 0 |
D | A | D | 1 |
Харин В төлөвт байх үед оролт 0 бол А төлөв рүү, оролт 1 бол С төлөв рүү шилжих ба В төлөвт байх үед гаралт нь 0 байна.
С төлөвт байх үед нь оролт 0 бол А төлөв рүү, оролт 1 бол D төлөв рүү шилжих ба С төлөвт байх үед гаралт 0 байна.
D төлөвт байх үед нь оролт 0 бол А төлөв рүү, оролт 1 бол D төлөвтөө хэвээр байх бөгөөд D төлөвт байх үед гаралт нь 1 байна.
Тэгвэл энэ хэлхээг төлвийн диаграм дээр дүрсэлье.
Нийтдээ A, B, C, D гэсэн 4 төлөвт байх бөгөөд D-гээс бусад төлөвт байх үед нь гаралт 0, D төлөвт гаралт 1 байна. Үүнийг диаграм дээр буулгавал:
Хэрэв А төлөвт байх үед оролт 0 бол А төлөвтөө байна. Харин оролт нэг бол В төлөв рүү шилжинэ. Үүнийг диаграм дээр дүрсэлбэл:
В төлөвт байх үед оролт 0 бол А төлөв рүү, оролт 1 бол С төлөв рүү шилжих ба үүнийг диаграм дээр буулгавал:
С төлөвт байх үед оролт 0 бол A төлөв рүү, оролт 1 бол D төлөв рүү шилжих ба үүнийг диаграм дээр буулгавал:
D төлөвт байх үед оролт 0 бол А төлөв рүү шилжих ба оролт 1 бол D төлөвтөө хэвээр байна. Үүнийг диаграм дээр буулгавал:
Жишээ нь энэ хэлхээний оролтонд x=011011101111100 гэсэн цувааг оруулбал өмнөх төлөв буюу санах ойн гаралт q ямар байх ба гаралт z ямар байхыг тус тус олъё. Энд эхлээд x=0 байхад санах ойн гаралт буюу өмнөх төлвийг тодорхойгүй гэж үзнэ. Өмнөх төлөв тодорхойгүй тул гаралт ч мөн тодорхойгүй байна.
Оролт 0 тул өмнө нь ямар ч төлөвт байсан А гэсэн төлөв рүү шилжинэ. Үүнийг дараах төлөв гэдэг.
Иймээс дараагийн оролт 1 үед төлөв маань А төлөвт шилжсэн байх ба А төлөвт шилжингүүд гаралт 0 болно.
А төлөвт байх үед оролт 1 бол В төлөв рүү шилджих ба В төлөвт гаралт мөн 0 байна.
В төлөвт байх үед оролт 1 бол С төлөвт шилжих ба С төлөвт гаралт бас л 0 байна.
С төлөвт байх үед оролт 0 бол эргээд А төлөв рүү шилжих ба А төлөвт гаралт 0 байна.
Ийм байдлаар цааш нь үргэлжлүүлбэл:
No comments:
Post a Comment
Note: Only a member of this blog may post a comment.